Gister was nie ‘n baie lekker dag nie. Ek is siek al vir die hele week maar hou uit en hou aan. Ek hou skool en sien gemiddeld 160 kinders per dag vir klas. Die meeste van die goed wat ons in die Afrikaanse klas doen publiseer ek in my Blog Afrikaansisfun. In elk geval daar was toe ‘n hele paar spoedhobbels in my pad en by my doktorsafspraak later die middag hoor ek toe dat ek boonste lugweginfeksie het. Ek besef toe weereens ‘n mens het altyd twee keuses: gaan jy jouself bejammer of gaan jy aangaan. Selfbejammering is die (lekkerder) makliker opsie volgens my. ‘n Mens kan op ‘n hopie gaan sit voor die TV en net opgee of jy kan besluit dat hierdie ding jou nie gaan onderkry nie. 

Ek is toe op die randjie van selfbejammering en opstaan en aangaan. Maklik of moeilik. Die Bybel se ‘n mens word nie bo jou kragte versoek nie. So ek het toe besluit om op te staan en aan te gaan. Om te dink aan al die goeie goed en maar nie vir die berge te hol nie. Ten minste is ek darem nou sonder ‘n muis in die huis! Iets om voor dankbaar te wees…tel jou seeninge een vir een…as ek nou al my seeninge hier moet opnoem gaan jy nog vir dae lees. So laat ek voortgaan en aangaan al is dit hoes hoes vir nog ‘n paar dae.

Tot later!

Amanda

Volg my op Twitter @AmandaCalitz

Facebooktwitterlinkedinrssyoutubeby feather
Facebooktwitterredditpinterestlinkedinmailby feather

Leave a Reply

avatar
  Subscribe  
Notify of